Fe’l harakatlarida ikki lug’at (lahja)ning kirishishi

تَدَاخُلُ اللُّغَتَينِ فِي حَرَكَاتِ الأَفعَالِ

Bismillahir rohmanir rohim

Ma’lumki, arab tilida sulosiy mujarrad fe’llar olti bobdan birida bo’ladi. Misol uchun: فَعَلَ - يَفْعِلُ، فَعِلَ - يَفْعَلُ va hakazo. Bu boblarda fe’lning moziy va muzore fe’llarida a’yn (ع) barobaridagi harf harakati bayon qilingan.

Bir fe’l qaysi bobda bo’lishi qadimgi arab qabilalarining lug’atlaridan — lahjalaridan bilinadi. Bu lahjalar fus’ha bo’lishi ham, shoz bo’lishi ham mumkin.

Ba’zi shunday fe’llar borki, moziysining harakatini bir bobdan muzoresi harakatini ikkinchi bobdan oladi. Buni “تَدَاخُلُ اللُّغَتَينِ” — ikki lug’at (lahja)ni bir-biriga kirishishi deb nomlanadi. Misol uchun رَكَنَ - يَرْكَنُ (suyanmoq) — fe’li. Bu fe’l moziysi harakati نَصَرَ - يَنْصُرُ bobidan, muzoresi esa, عَلِمَ - يَعْلَمُ bobidan olingan.